قصيدة ((نصيحه من القلب))
بقلم الاديب عاصم بكر علي منصور
نفسي اقولك نصيحه كلامها جميل ما يوجعش
قدم الخير لكل الناس بس عليه يوم ماتندمش
ال يمشي في طريق الله تاجر كسبان ما يخسرش
يهديك لطريق النور و الحق لغير الله ما تلأجاش
بلاش تجرح عزيز بعدين و تيجي تقول معلش
علشان كلمة معلش بعد الجرح صدقني ما بتنفعش
عيش طيب الروح بالخير علي نفسك ما تبخلش
ربك كريم مدايدك بالدعاء بابه مفتوح ما بيتقفلش
بتقسي ع القلوب تيجي تطلب الحنيه ما تعرفش
علشان الحنيه صدقني من بعد الجفي ما بتنطلبش
بتشيل النفوس منك لو شالت عمرها ابدا متصفاش
منين عايز تطلب الصفي علي نفسك ما تضحكش
صعب الوجع اما.يجي من حبيب الم ما تستهونش
اه و الف اه الم الروح وجعها صعب ما يتوصفش
عايز تغدر بعدين تطلب الامان ال يغدر ما يتامنش
اصل غدر الحبايب يطول جرحه ينزف ماينشفشش
خلي كلامي قدامك طريق و ياريت منه ما تهربش
اللي بيمشي في طريق النور في الضلمه ميخافش
شايل جواك الهموم العمر راح علي دنيا ما تستهلش
السفر قريب والذاد قليل والقبر بيصرخ ما يرحمش
انا كان بس نفسي اقولك نصيحه و منها متزعلش
علشان النصيحة من بعد الغلط صدقني ما بتفدش
