فوق مستوى القدرات “
بقلم/وافي إسماعيل الشلبي
فوق مستوى القدرات
آسف بلون شحات
سرقت الكحل م النيني
ناديت ع الدنيا ودا لأني
لقيت للقلب زواره
بيتبادلوا السلام بينهم
وبيغازلوا لأفكاره
فجيت لاقط مغازلهم
بمصلوب الألم والنوح
ف ليه الحب عاش ساعة
وليه ميت بقية اليوم
عيون م الهم مرتاحة
وعين حاملة لكل هموم
وعين شاربة المرار صابرة
وعيون شاربة العسل م النوم
خلاص جاي النهار بدري
وفيه الصبح جاي يجري
وشلال الوجع راحل
قالوا عني دا يستاهل
بيستهبل ومتبهدل
وسايب روحه ع الآخر
فقلت خلاص وأنا مالي
رماني السهم بزماني
دا أنا عايش ومش شايف
وطبع الحب خلاني
أنام وأصحى أقول الله
أبات وأضحى وبنسى الآه
وبدعي ربنا دايمآ
يطهرني يخليني
أعيش مرتاح