إصحي لا يغفلونا كتب/ مجدي بدر
عاوز تقرأها من اي زاوية أنا معاك فى كل الأحوال احنا صاحيين يغفلونا مش هيعرفوا ولا تجاربهم نافعة .
ظلت الحياه لمدة ٢٠٠ يوم على وتيرة واحدة ضرب ضرب ضرب لغاية ما صرخ الضارب و قال اضربك فين مفيش فى وشك مكان . فيرد المضروب اضرب هو انت هتركن . والمضروب بيحاسب على مشاريب غيرة و المحصلة الاف من القتلى و الجرحي و البلاد اتسوت بالارض او نقدر نقول اتسفلتت . طب لقمة طب ناكل طب نتعالج طب محاولة للحياه . الكل شغال مساعدات على استحياء مش عاوزين نغوط اوى يحسن نغرق فى المساعدات .
طب نحدف عليهم مساعدات من السماء برضوا بيموتوا طب نعمل ايه نتصرف ازاى .
دي كلها أسئلة بتدور فى ذهن الناس الطيبين . نعمل ايه نتبرع و نبعت مساعدات و نحدف برتقال يمكن يوصل . المهم مفيش الا باب واحد هو المفتوح معبر رفح المصرى اللى بيعدي كل حاجة و يجي واحد مسطول يقولك المصريين مانعين المساعدات هو انت فايق هو انت بتشوف .
صح صح بس يا استاذ المعبر مش مقفول المعبر مفتوح على طول اتقفل فى لحظة واحدة لما كانوا عاوزين ينقذوا الاجانب . نقلنا العالم للبوابة علشان نثبت صدق النية مع العلم اننا مش محتاجين و احنا فى مواقفنا ثابتين . و فى غيرنا مش قادرين .
— فى الامس كان الحدث الجلل الجبل سيلد والولادة فأر آه والله زي ما بقول كدة .
إيران ستضرب بيد من حديد والصواريخ جاية من بعيد و إحنا بنحتفل بأيام العيد .
خط سير الصواريخ و المسيرات و الحركات . ( ايران العراق الاردن اسرائيل وخد معاك فلسطين كمان) مئات مسيرة و الواحدة بتحمل ٣٠ كيلو متفجرات و عشرات الصواريخ البالستية و كام صاروخ ابصر ايه ) و الضربة قادمة و تقوم امريكا و بريطانيا وإسرائيل و طائرات تحلق و مطارات تعطل و اجواء تغلق و المحصلة اصابة طفلة إسرائيلية. هاهاهاها فعلا اه والله حسب القنوات التلفزيونية و التلفزيونات تعلق و حوارات و اتصالات و بدل و جرافتات شيك و الضيف من فضلك ابعتلى الشيك بعد ما قولت كلمتين شيك
المسرحية الهزلية حفظ ما وجة ليك و ليه الجهة الايرانية و الإسرائيلية و السياسة فيها المعقول و المقبول . و فيها درب الخيال و الجنون . تزيد الكوميديا و تقولك اللي متتسماش انها بتفكر فى الرد . لون من الكوميديا السياسية محتاج صياغة فنية و يطلع اسكتش رائع .و نحن فى انتظار باقى الروائع .
و يفضل المساند على العهد و نفضل حافظين القضية و خايفين على العهد .بس فى نفس الوقت حافظ على بلدك و خدها أمانة.
