قصيدة (مناجاة القمر) بقلم عاصم بكر علي منصور
صحيت لقيت القمر واقف في شباكي
بتامل ضيه حسيت في وش القمر باكي
بهمس حزين لقيته من طبع البشرشاكي
تقول والفؤاد مجروح ماعاد يقدر يحاكي
شايف بعيني الشر بيعشش علي اعتابي
معرفش مين فيهم عدواومين اعز احبابي
بدور علي قلوب كانت في الشده بتواسي
لقيت قلوب بقت تشتري الرخيص بالغالي
انا سايب نجومي فوق في السما بتلالي
علشان اشوف غدركم وياما فيكم مآسي
بدورعلي فرحه مرسومه تكون علي مقاسي
يرجعلي بجرح غدركم ع الوش من تاني
وانا اللي كنت نازل وكان ليه فيكم اماني
يتغير طبعكم أشوف البسمه تاني بتعاني
لمايغيب الفرح وأشوف شعر الوليد شاب
بحلم ونفسي يادنيا مايبقي فينا اغراب
كان نفسي بطله أشوف كل البشر احباب
كنت عمالتلهم بايدي ابريق عصير عناب
انزل أرش الأرض واسقيهم بايدي شراب
لكن لقيت الشر يادنيا ازرق عجيب الناب
