سألوني بقلم/وافي إسماعيل الشلبي
سألوني عن أمي
فقلت
ساكنة عايشة جوه مني
وبعنيا ممدة
فارشة مطرح جوه قلبي
والكلام جاي وإبتدا
الوداد عاش له أصول
والجماد ينطق يقول
دا القمر داقق طبول
إصحوا يا ولاد حينا
إرسموا طبع الكلام
إنحتوه بقلب الصخور
لونوا الإيد اللي شالت
وإعكسوا بيها الحرام
وحدوا للسير نظام
قلب مفتوح م الغرام
واللي مستغرب كلام
ما أحنا صايمين زيكم
حبنا صارخ عفي
دمنا منزوع جفي
والدسم كامل يا بويا
آه
يا شريط الذكريات
للي عايش واللي مات
واللي مات لساه ما ماتشي
نبضه عايش بين رفات
اللهم اغفر لهم وارحمهم
واسكنهم فسيح جناتك
