عاش يا وحش كتبها/ مجدي بدر
كلمات و جُمل كتير مننا بيقولها سواء لكبير أو صغير
وزير او غفير
مرة من باب التطبيل و مرة من باب التقدير و هنا مش فارق بالنسبة لى السبب و لكن الكلمات نفسها .
عاش ، عاش يا وحش ، جامد ، الله أكبر عليك .
اكيد كل واحد مننا سمع كلمة او جملة كدة، كنت بتحس بإية ساعتها، وشك كان بينور و تحس بكهرباء مشيت فى عروقك
و تبقى عاوز تزلزل الأرض
يجي واحد يقولك عملت ايه يعني إهدي على نفسك شوية . جملتين يعملوا معاك أحلى واجب إحباط من النوع الاورجنيك .
و هنا جبت لك سؤال من النوع الفاخر و من الاخر .
إزاى تعزز و تقوى الحماس والتحفيز في العمل أيا كان نوعة ؟
واحد : إختار لك أهداف تعرف تحققها :
بلاش تفكر تطلع القمر و قوم بتحديد أهداف قابلة للتحقيق علشان تساعد في زيادة الدافع والحماس في العمل اللي بتقوم بيه .
عندما يكون لدى افراد العمل لو عندهم فهم واضح لما يحتاجون إلى تحقيقه،
غالبًا ما يكونون أكثر تحفيزًا للعمل على تحقيقه. لو الهدف عشوائي قول على المهمة السلام .
اثنين : تشجيع مناخ العمل الإيجابي :
يمكن أن تساعد بيئة العمل الإيجابية على زيادة الحماس والتحفيز. شجع الموظفين على إتباع سلوكيات وأنشطة ايجابية، مثل تجارب و تمارين بناء الفريق أو التواصل الاجتماعي فيما بينهم و نصيحة و احنا بنتمرن نصطاد العصافير و الخفافيش و الثعالب والجرزان .
ثالثاً: التقدير والتقدير:
حاسس ان الكلمة مكُررة لأ خالص
التقدير هنا كمي يعني نقيس عمل الموظف اللى هو اولاً وأخيراً زميل وصل لفين من الاهداف المطلوبة و وصل بخسارة ولا وصل بمكاسب .
و تقدير الموظفين مالياً أو معنويا لعملهم الجاد وإنجازاتهم يساعد في زيادة الدافع والحماس في العمل و الانتاج و التفكير الايجابى
و تلاشى الاخطاء اللى كانت موجودة
بس تلاقى واحد يقولك أقدر فلان و الباقى لأ يقولوا عليا إيه ؟؟
ما يقولوا و يسمعوا رد يشنف آذانهم و يخليهم يحاسبوا نفسهم .
منع شهادة التقدير خسرنا كتير .
أربعة : توفير فرصة للنمو والتطوير:
لا تعطيني سمكة و لكن علمني كيف أصطاد آه والله لأن السمكة هتخلص و حضرتك مش كل شوية هتعطف عليا فالعطف كلة فى التعليم و التعليم هنا متمثل فى توفير فرص النمو والتطوير للموظفين ودي هيزود الدافع والحماس في العمل.الناس لما يحسوا يتعلمون وينموون فإنهم غالبًا ما يكونون أكثر تفاعلاً وتحفيزًا و يصلوا لأعلى المستويات .
فى كل عمل هنلاقى نوعين من الشخصيات .
الاولى / شخصية ممكن توصفها بالسد العالى لانها اهم مصدر توليد كهرباء بتمد كل المؤسسة بالطاقة والايجابية
و الحماسة و التشجيع والخبرات والمهارات و ممكن كمان تعمل اصلاحات
و كل عمل ليك مقبول و مشكور .
الثانية / عافانا و إياكم . ملهاش وصف مع الاسف بس طول الوقت بيحاول يكسرك . يحبطك . يسودها فى وشك
عندة مرض الإسقاط و التلبيس و الجملة دي بيقولها كتير من الموظفين كوميك ( إلبس عشان خارجين )
الساذج يقول بجد هنروح فين .
تقولة انت بقى هنروح ناخد جزاء . عاش يا وحش
نكمل المرة الجاية فى الحماس و التحفيز زززززز
