اكتئاب صامت ” بقلم . عزة رأفت
أولا ليس له علاقة بالدين تتهم الناس الشخص المكتئب بأنه بعيد عن ربنا عز وجل ولو صلى اكثر سوف يتعافى.
فكلاهما مؤذي نفسيا جدا وبيزود احساسه بتأنيب الضمير اللي بيصبح عالى في الأساس وممكن يبعده أكثر عن العبادة. خصوصا مع شلل الإرادة المصاحب مع الإكتئاب والذي بيمنعه من القيام حتي بواجباتة اليومية.
إذن لهزيمته محتاج علاج فعلى وقوة إراده.
ثانيا في فرق كبير بين الاكتئاب والحزن ..
الحزن يحتاج إلى صبر و هو شعور وقتي ويزول.
اما الاكتئاب يحتاج إلى علاج نفسي سلوكي ..
الناس الى بتصحي من النوم تقول انا مكتئبة النهاردة دى بتدلع لان ببساطة المكتئبين مابيقدروش يشتكوا .
الاكتئاب بيخليك أحياناً تفكر في إنهاء حياتك
جزء من اعراض المرض إنك تبقي عايز تخلص من الوجع وحاسس انه ليس هناك امل في بكره والامل هو شعور بالشغف والتأمل لغد ومستقبل مشرق .
وهذا الشعور بعيد عن الشخص المكتئب وبيحس ان مفيش مخلوق هيقدر يساعدك.
بيحس ان مفيش حاجه تخلصك من الى انت فيه وتشعر ان كل الطرق اتسدت وكل هذا ليس حقيقي..
ربنا رحمته وسعت كل شيء.
وفي خلال شهور بيكون حال الإنسان اتبدل وابواب جديدة اتفتحت في وشه،
ربنا كريم اقرب لك من حبل الوريد عالم بحالك وبعد كل عسر يكافيء الإنسان بيسر شديد.
الناس الى بيتعاملوا مع مريض اكتئاب لازم يبطلوا ينظروا عليه بكلام زى مثلا
_ انزل اتمشي شويه يمكن تفوق من الى انت فيه.
_قوم فرفش واتفرج علي مسرحيه حلوة كدا…
_قرب من ربنا بعدك عن ربنا هو سبب الى انت فيه ده…
_سافر / قابل اصحابك/ اهتمي بشكلك
_ قص شعرك /اقرأ كتاب…
_اقولك يمكن محسوده….
وهكذا ..
هدوء شويه يكفى عذاب المرض نفسه مش لازم سخافتكم دى مش مساعده دى مناهده…
الاكتئاب (مرض نفسي )
بيولد عرض جسدى بيختلف من شخص لاخر مثل الصداع المزمن او الشقيقه او التهاب الاعصاب امراض المعده
واحيانا البانك اتاك اللعينة نوبات الهلع لما تشعر إنك خايف وقلبك بيدق بشده ومش عارف تتنفس وغير اللخبطه الاكل والنوم وتشتت الانتباه والتركيز
الجسم بيدبل مع الروح!