اصحوا ياعرب ” بقلم / فهمى محمود حجازى
لما العراق غزت الكويت
كان رد أمريكا غلب
جمع الجيوش للرد
وكان أول جيوشها من
العرب
علشان مايشعل بِنا
نار ويزيد كمان فيها اللهب
ورد ع العدوان بشدة
وزاد في ناره والحطب
طب ليه في القدس النخوة
كان فيها العطب
وليه الكيل بمكيالين
ونحكِم فينا أبولهب
وكل يوم بنشوف مجازر
من اليهود ضد العرب
وليه ضميرنا بنا خاب
وولى منا وذهب
وفين الأمن يامجلس
أمن لينا بس بيتنصب
وفين عقولكم ياعرب
ولا الضمير ولى وهرب
ولا احنا شاطرين ع القريب
وع الغريب نلزم أدب
فكر يا صاحبي في الحكاية
قبل العروبة ماتنضرب
ومد ايدك للي بيته
بينهدم وبيتخرب
واوعاك تآمِن. مكر ديب
طول عمره لابد في القصب
طول ماأخوك ايده ف اديك
هتشوف معاه كل العجب
وارمي الخلاف من بين اديك
دي الوحدة أغلى من الدهب
هتلاقي مجد عروبة ليك
راجعة ونورها ماينحجب
يارب يكون وصل إليك
كلام ضميري اللي غلب
ويكون كلامي خفيف عليك
مايكونش جمر أو لهب