قاعدة الاستثناء في التربية بقلم . زينب فكري

قاعدة الاستثناء في التربية بقلم . زينب فكري

ضروري جدا الكلام هذا حتى وإن طال الشرح .
الكلام هذا بناء على شكاوى كتير بتتكرر قدامي وللأسف بكون حزينة لما بلاقي أن الآباء عندهم فقر في أبسط المعلومات عن التربية ودورهم تجاه ولادهم .

صحيح بعترف أن التربية شيء مش سهل خصوصا في ظل العصر دة اللي محيط ب الفساد الأخلاقي بشتى مجالاته

مثل انتشار المخدرات
وانتشار الإباحية وسهولة تداولها والانغماس فيها عبر الإنترنت والسوشيال ميديا اللي ب يُساء استخدامها

انتشار الاضطرابات الجنسية وعلى رأسهم الجنسية المثلية واللي للأسف والمحزن انها بقت منتشرة مش بس في العالم الأوروبي ، مؤخرا أصبحت بتحظى بإهتمام من العالم العربي والمصري ومش بس اهتمام دة بقى في جروبات وعملوا لنفسهم مجتمع بيضم جميع الفئات بمختلف اعمارها وجنسها وبلدها

أكيد ايضا زادت اوي السرقة وعمليات النصب …
اذن ما هى القواعد في التربية ؟

من بداية عمر الطفل اللي ممكن نقدر نقول سنتين هنغرس فيه قواعد الأسرة واللي طبعا هى أساسها نابع من الدين ومبادئ المجتمع بتاعنا ” كل مجتمع له عاداته وثقافته “

لو ابني كبير اقدر ازرع القواعد دي بعد ما عدة عليه سنين في فوضى واللامبالاة (طبعا نقدر ودة يرجع لمدى قناعة ولي الأمر بأهمية وجود قواعد ومبادئ وقيم تسود على الأسرة كلها بما فيهم الأب والأم )

مهم جدا تأسيس وترسيخ وتقوية الوازع الديني والاخلاقي في كل مرحلة عمرية عشان دة هيكون بمثابة الفرامل اللي تحكم حدود سلوكيات أولادنا والجميع طبعا..

التوازن بين العطاء والمنع وليس عيب تماما اننا نتكلم مع ولادنا عن ثقافة الجنس طبعا مع مراعاة المعلومات اللي هقدمها لابني حسب العمر واكيد دة هيحتاج اننا نثقف نفسنا الأول عشان نقدر نغذي ولادنا بمعلومات علمية ومناسبة بدل ما يكتسب دة من الصحاب او غيرهم.

التوجيه والإرشاد والدعم والرقابة مع السماح بشيء من الحرية المناسبة عشان نقدر نطلع أولاد قادرين على حسن الاختيار واتخاذ القرارات.

توعية ولادنا دينيا وسياسيا ورياضيا. كى لا ينجذبوا أو يتبعوا اي جماعات ليس لها أساس من الصحة

( وماذا عن الاستثناء )
أولا : ايه قنوات التربية اللي بتساعد على نشأة الطفل

الأب والأم اللي هما أصلا المنبع يعني هما المظلة الرئيسية اللي بعدها يندرج باقي الفروع زي

الأصدقاء . المدرسة, الجامعة , السوشيال ميديا والإعلام …

واخيرا..
الاستثناء اني بعد ما أعمل دوري كأب أو أم على أكمل وجه بما يرضي الله ( يطلع ابني فاسد ) ودة هيكون ابتلاء من ربنا نصبر عليه وندعي لربنا يرفع هذا الابتلاء فهو القادر على كل شيء وهو صاحب الحكمة.