.. بقينا أغراب ..
أمل أمين الخولي
يا ألف خسارة ع العشرة
وع الأصحاب
بيعنا الماضي مع بكره
وبإيدينا قفلنا الباب
بنمسك في اللي يوجعنا
عشان متعودش لمتنا
ولا نرجع ف لحظة أحباب
رغم تمللي أنا الشاري
وأنت بايعني يا الغالي
وسايبني في نار وعذاب
وعمر ف يوم ما حسيتني
ولا بريق حلو ودتني
ولا همك بعاد وغياب
ولما بنادي ماتردش
لحد ما دوبت م التفكير
ف أسئلتي اللي مالها جواب
بحاول ألاقي جوايا
ذكرى ترد فيا الروح
وماشي وراك كما العيل
اغيب وارجع وألِف واروح
عشان ابادر واقول يا عتاب
..لكن فجأه ..
.. م الكسفه ..
لقيتني بنِخ واتراجع
من خوفي ومن حيرتي
لا تقلب حِزن ومواجع
ساعتها فهمت
..انه خلاص ..
بقينا اغراب