قولوا بكرة ” بقلم/ محمد هيكل
قولوا بكرة الدنيـا تضحك و أي شـــوك يصبـح حـرير
قولوا بكرة الحزن يسكت و يبقـى ده الحـزن الأخيــر
قولوا بكـرة الناس تفـوق ويبقى فيه ف قلوبها ذوق
و اللي له ف الحلم شوق يلقى م الاحـــــــــــلام كتير
لمــا كل النـاس تنـــــــام صلي و ادعـي في القيــــام
العشــم مش ب الكـــلام العشــــــــم في الله خطيـر
أيوه فــرجه بإذنــه جي أيـوه بعـد الضلمـــة ضي
أيوه عيشهــا بقلب حى بس عيش طيب أميــــــر
بكــــرة نلقى القلب فايق مهما عشنـا سنيـــن تضايق
اوعى تيأس م اللي خالق هـوه ده العــــــوض الكبير
بكرة هنجفف دمـــــوعنا بكــــــرة يتبــدل وجعنـا
اللي جاي هيكـون بتاعنا مش بتـاع معــدوم ضمير
نشــــرب الفرح ف قزايز ب الأمــــــــــاني للي عايز
قولوا ممكن قــولوا جايز و اعشمــوا في المولى خير
