نفسي أكون
بقلم:بشرى عبدالوهاب
نفسي أكون، زي سحابة فى السما
صافية بدون غيوم، لا عمرها تتلون
و لا تتحمل أى هموم،
لو يوم طالها غيم،
تلقى أمطار الخير تروي الأرض،
لجل ما تطرح أجمل ورد
نفسي أكون!!
حره زي السحاب هايمة بسما بدون قيود
عايزة يكون قلبي لون النقاء، شفاف…
وما يكون جوايا حقد أو كره لحد …
أحب الخير لكل الخلق،
مهما زاد غبار الأيام أنسي أوام…
نفسي أكون كمطر الغيث،
لما أحزن دموعي تكون لجل جبر قلب كسير…
