ألوان الدنيا .للشاعر/جمال القاضي
انا شوفت الدنيا
بكتير ألوان
أول لون
كان غير ألوان
وش بيضحك
لما تشوفه
وطالعه الضحكه
صافيه جميله
بس صراحه
حسيتها حزينه
ومن جواه
ومن كتر همومه
مكسوره الضحكة
وبكل تعامله
تحسه رجولة
ورجولته دي كانت
عنوان ودليل
ومعظم وقته
عن غيره تشوفه
حابس حزنه
لسنين وايام
اما عراقة الأصل
والأخلاق والذوق
دي كانت
زي كتاب وغلافه
مكتوبه حروفه
بجملة مفيدة
عنوانها يكون
انا والله من جوايا
بكون انسان
ومليان إحساس
وانا عن نفسي
كنت اتمنى
من أمثاله يكون
الكون مليان
لكن كان
زي العملة النادرة
مش بتلاقي
غير منها قليل
اما اللون التاني
كان اخطر لون
خليط وبيجمع
من كل الوان
وكل شويه
تشوفه بلون
غير ألوان
ولما تقابله
ولأول مره
ومن أول وهلة
عنه تقول
دا أبيض صافي
بس دي كانت
حيلة غريبة
بيضحك بيها
ع الغلبان
ولما بيخفي
عنك يحكي
بحد لسانه
ومع غيرك
داير يحكي
ويفضح فيك
بحكاوي كتيره
ومكذوبه عليك
لفلان وفلان
ولما يشوفك صدفة
وللمرة التانية
يتغير لونه
وساعتها ينادي عليك
وبحنيه يقولك
عني غيابك طال
ياحبيبي تعالى
تعالي وقرب مني
والله وحشني
ويحكي معاك وكأنه
حبيب لحبيبه
ومن جواه
ولاطايق حتى
يسمع صوتك
ولاحتى كلامك
ونفسه يغمض عينه
ولالحظة يشوفك
نفسه كمان ومناه
تخاصم اهلك
أو تهجر بيتك
ونفسه الأكتر
تخسر مالك
غيره وكانت
ماليه عيونه
حقود وكان حقده
أصيل ممتد
من أصل جذوره
هتشوف للدنيا ألوان
بص كمان أو حقق
هتشوف ألوان
لوجوه هتقابلك
لون منها أصيل
ولون تاني غريب
وألوان تانيه كتيره
ولما تقابلك
ساعتها تشوفها
ف ثانيه بتقلب
مابين اسود وابيض
هيَ الدنيا
وألوانها كتيرة
