قصيدة (مناجاه القمر) بقلم/ عاصم بكر
صحيت لقيت القمر واقف في شباكي
بتامل ضيه حسيت في وش القمر باكي
بهمس حزين لقيته من طبع البشرشاكي
تقول والفؤاد مجروح ما عاد يقدر يحاكي
شايف بعيني الشر بيعشش علي اعتابي
معرفش مين فيهم عدو و مين اعز احباب
فين القلوب اللي كانت في الشده بتواسي
لقيت قلوب بقت تشتري الرخيص بالغالي
انا سايب نجومي فوق في السما بتلالي
علشان اشوف غدركم وياما فيكم مآسي
بدور علي الفرحه بس تكون علي مقاسي
يرجع لي بجرح غدركم ع الوش من تاني
وانا اللي كنت نازل وكان ليه فيكم اماني
يتغير طبعكم أشوف البسمه تاني بتعاني
لمايغيب الفرح وأشوف شعر الوليد شاب
بحلم ونفسي يا دنيا ما يبقي فينا اغراب
كان نفسي بنظره أشوف كل البشر احباب
اعملهم بايدي شراب ابريق عصير عناب
انزل أرش الأرض و اسقيهم بايدي شراب
لكن لقيت الشر يادنيا ازرق عجيب الناب