جريدة النجم الوطني

فيه ناس بقلم / أشرف خضر

0 35

احصل على تحديثات في الوقت الفعلي مباشرة على جهازك ، اشترك الآن.

فيه ناس بقلم / أشرف خضر

فيه ناس

واعيين

ملاعين

زي البلالين

مغرورة ومنفوخة

وهي حقيقي مبتسواش ..

وفيه ناس

ألماس

وتعاس

عايشين يستنوا الفرح اللي

وعدهم ياما

ولسه لغاية اللحظة ما جاش ..

و فيه ناس

أنجاس

أوباش

بيعبوا الأوهام في أزايز

ويبيعوا الأعمار ببلاش ..

وفيه ناس

بتعاند ف جروحها

وتحايل أحلامها

ويمر العمر ومتشوفهاش ..

و فيه ناس

مرتاحة بظلم الناس

فرحانة بالزيف والغدر

ونور الحق ميسعدهاش ..

وفيه ناس: … مظلومة

ومطحونة

شقيانة وبتعافر

بتبيع الفرحة ومتعشهاش ..

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.