يا صبر صبري ” بقلم / محمد عنانى
يا صبر صبري يا للي ماله حدود
بالمُرعودك قوى فوق الضَنَا مفرود
في ضِله بامشي وعليه كمان مسنود
يا وِرث وارثه أنا عن جدود لجدود
معاه بأكون عايش وراضي بالموجود
برضايا بأغزل طريق للحياه ممدود
يا صبر صبري واللي ماله حدود
نفسي لايوم أنحني ولا ينكسر لي عود
غير في ركوع وسجود للواحد المعبود
والستر لو توبي خِلي حاكون مسعود
صابر ومستني أملي اللي غاب دا يعود
يمكن بذور صبري تطرح بقلبي ورود
وأكون بسعد وهنا برضا الكريم موعود
يا صبر صبري يا اللي ماله حدود