وجع .للشاعرة/أمل أمين الخولي
سنابل القمح رمز الخير
بنعمل منها لقمة عيش
ونتشاركها ويا الغير
عشان نحلف بعلو الصوت
ونقول إن لمتنا دي دايما غيررر
ولا الصحبه دي يوم هتهون
ولا لبعضيها تتنكر
ولا ينفع في مره تخون
دي لقمة عيش قاسمناها
وعشرة عٌمر كات بينا
دابت فينا وعشناها
فكنا لبعض ضٌليله
وخدنا أحبابنا جواها
وقولنا دي عيله ودي لمه
وقصة عمر حكيناها
فلو قررنا نتفارق
ليه نحمل على أحبابنا
بلاوينا اللي بليناها؟
ليه هيشيلوا ذنب الغير؟؟
وليه نفجٌر في فرقتنا
وكل ما بينّا يستاهل
يكون له حساب
وألف عتاب
يكون في سؤال
قصاده جواب؟!
دي كات زرعه وقتلناها!!
بقينا نأذي مشاعر بعض
بدون حق وكده في البعد
ف يبقا ازاي بحق الله
بعد ما كنا يوم شركه
نفٌض الليله ..
نفٌض الليله يا خوانا
ونقول يلا بعناها ؟؟
