من زمان .بقلم/وافي إسماعيل الشلبي
من زمان القلب شاري
الحب ليكي
لما ببعد
شيئ إلهي بيناديني ويناديكي
نجري تتلاحم ملامح
جوه مني الله يجازيكي
نفرش القلب بجراحه
والمحبة للأحبة نبض ساري
يستمد من حنينه
رغم أنف ما جراله
جوه مني حاجات كتير
يا هوى تقدر تشيل
بلغ السلام لروحي
فضفضة وقت الأصيل
والجميل في الأمر إنك
تسمعيني وتلاقيني
عمري ما بنسى الجِميل
الشوارع والحواري والمدن
بارزة ظاهرة
مخططة جوه القلوب
عاملة طوق ومحوطة
لكن يا دوب
قلبي دايب داب وسايب
زي نهر بيجري شوق
فوق يا ذوق
فووق يا ولدي
وفووق يا خويا
فووق يا سيدي
كلنا لازماً نفووووق
