مد وجزر “بقلم/وافي إسماعيل الشلبي
ملوش لازمة الكلام
خلاص طار الحمام
يا برج مستني
دا الشوق واكل فيا
خد قلبي وعنيا
الروح هناك تسري
نادوا على إسمي
وذنوبي حاوطتني
شابطة ما بتسبني
يا رب خلصني
توبت إليك يا رب
دي الدنيا منفاته
وقلوبنا ولادة
رضينا بسعادة
نبغي رضاك يا رب
جرح الحياة بيزيد
نضمد بكبت وريد
لان الحديد وأكيد
دمع العيون قساه
يا سلام يا قولة آه
غريق ببحر حياة
والموج شادد قلبه
رامي خلاص هلبه
فعليك بذكر الله
فعليك بذكر الله