قلبي؛ كما الأطفال
بقلم/محمد أحمد محمود
و لو كانت
ساعات الليل
بتتكلم
لخرجت منها كام اهه
تهد القلب
زمااااااااااااااااااااان
كانت حروف حكاوينا
بتنور طريق الدرب
مع أصوات ترانزستور
و فنجان قهوة و سيجارة
و حفنة لب
و بصه من بعيد لهناك
على الجاره
ملامحها يا بوي كانت
ترد الروح
كما النسمة في يوم العصر
تصدقني
يمين بالله
منا ما صدق
بإني كبرت
و شاب الشعر
و بسمعهم يقووولولي
يا عم الحاج
بقول؛ إكده
بقيت الحَج
و انا قليبي
كما الأطفال
مالوش في الجد
و لا الأحزان
و اقول طيب
ما نا الطيب
وعايش عمري كله قريب
و عمري ما كان حدانا غريب
قالولي الاّه
فقولت الآه
وكانت الناس تقول الله
وما صدقت
ولا اترددت
مادام عايش حياتي معاه
وبستناه
لا هو في يوم مخليني
ندمت معاه
يمين الله
في كل حياتنا يا اخواتنا
بنرضي الله
