عجبي ” بقلم/ أمل أمين الخولي
وحظي فيكِ يا دنيا
ليه مايل
مع إني واحد صحيح
لا عمره يوم يتهز
ولا ع الميزان مايل
بالود والحنيه
كان قلبي أنا طارح
ثابت على محبته
لا يهون عليه الغريب
ولا عشرة امبارح
جذري أصيل
والنبته من صٌلبي عفية
خيرها ماليكي يا أرض
لكن يا حسره
عمره ما كان ليه
عمال اوزع فرح ع المخاليق
وعِدوا يا نكارين
الجمايل
وحسره عليا من نبع خيري
لا ف يوم ارتويت
ولا للهنا طايل
عايش لوحدي حزين
ومطاطي للهموم راسي
كأني ليها ذليل سجين
وكانت ابتسامتي عليها
بيطرح الياسمين
هشكي ايه يارب
ولا راح اشكي لمين
واللي جرح لي القلب
أل كنت حاطه
ف خانة الغاليين
وعجبي