رائعة من روائع ” إحسان عبد القدوس ” الخيط الرفيع ” سنه 1971 إعداد / نادية سعد الدين

• رائعة من روائع ” إحسان عبد القدوس ” الخيط الرفيع ” سنه 1971
  إعداد / نادية سعد الدين

 

حوار أكثر من رائع بين فاتن حمامه ومحمود ياسين من فيلم ” الخيط الرفيع ” سنه 1971 من روائع ” إحسان عبد القدوس “

– لازم تفهمى ان فيه اصول وتقاليد لازم نراعيها

 

= دلوقتى بتتكلم عن التقاليد ! كانت فين التقاليد دى ايام زمان ؟!

 

– دايماً موجودة

= وايه اللى فتح عينيك عليها النهاردة ؟!

 

– المجتمع اللى احنا عايشين فيه

 

= تبقى غلطتى … أنا اللي أخدتك للمجتمع دا وعرفتك للناس
– الناس عمرها ما اعترفت بينا إحنا الاتنين.

 

= لكن اعترفت بيك لوحدك , مش كدة ؟! .. ده مجتمع جبان تقدر تفرض عليه سيطرتك لو كنت قوي.

 

– أنا مقدرش أفرض أخطائي على الناس.

 

= الناس كلها أخطاء

 

– لكن بيداروها.

 

= مبيداريهاش غير الضعيف.

 

– يعنى انا ضعيف؟؟

 

= ويعنى انا خطيئتك؟؟

 

– حبنا هو اللى خطيئتنا

 

= يبقى نصلح الخطأ ده نتجوز
ثم صمت

 

= بس .. بس إوعى تقول ولا كلمة أنا اللى أرفض اتجوزك أرفض اتجوز إنسان ضعيف زيك … حتى لو ركعت تحت رجليا

 

– يا منى ما تحطميش كل شئ أنا بحبك , أنا مش ممكن أسيبك أبدا بس خايف جوازنا يكون ضد مصلحتنا

 

= قول مصلحتك

 

– أبدا يا منى .. مصلحتنا احنا الاتنين , تفرق إيه لو نكمل حياتنا زى ما إحنا عايشين .. يغير إيه من حبنا لو خليناه فى السر ! فكري فى المركز اللى وصلت له يا منى

 

= المركز اللى وصلت له ده الفضل فيه ليا أنا … دلوقتى بتستكتر عليا أشاركك فيه ؟!

 

– لا يا منى , إنتى اللى عملتينى … إنتي اللى خلقتى مني الإنسان الناجح ده وعلشان خاطر الإنسان اللى خلقتيه حافظي عليه وصونيه

 

= وأنا ؟! .. أنا إيه نصيبي ؟!

– الخالق بيدى ما بياخدش يكفيه عبادة خلقه … وأنا بعبدك.

 

= الخالق بيطلب من الناس إنهم يعبدوه فى الجهر , إنت بتعبدنى فى السر.

 

– العبادة فى السر أخلص العبادات

 

= العبادة مش خطيئة .. إنت بتعتبر حبك ليا خطيئة

 

– مش أنا ده المجتمع .. مجتمع من الكافرين محدش مؤمن بيكى إلا أنا

 

= خليك نبي وانشر دعوتك
– ماقدرش أكون نبي
= ومين قالك إني أنا أقدر أكون إله !

 

– أرجوكي يا منى ماتحطميش فى لحظة غضب كل اللى بنيناه
= إحنا صحيح كنا بنبى سوا… إنما دلوقتى انت بتهد لوحدك…