حكيت حروف الأبجدية” بقلم/ ريما خالد حلواني

حكيت حروف الأبجدية” بقلم/ ريما خالد حلواني

 

تَ اكتبلك بالمحكيّة 

 

 وقلتلها عم فتّش عَ كلمة بعيدك يا أمّي قولها 

مش عم لاقي عم تهرب لعندك الحروف كلّها 

تتخبّى تحت ظلّك تنادي  

أنا بديار المحبّة احتميت وبعدت عن الأيادي

 اليوم يلّي بدو يختار منّي حروف بِ نقّي حروف المحبّة يّلي بتجمع أمّي وأمّك وكلّ الأمّهات 

وبلّشت دوّر بهل حروف وأوّل ما وقع نظري عَ حروف إسمِك المرسومة جوّاتي

 وحروف المحبّة لِ نوّرت دربي 

وصارت ترقص الأبجديّة عَ وتر قلبي

 تغنيك عَ مسرح حبّي  

وانتلى المسرح بالنّاس 

والقلوب كلّها إحساس الكلّ مبسوط 

هيدا العيد الوحيد المافي طائفيّة وتقاليد 

وما في إلا التضحية والمحبّة 

ومن هون عرفت إنّك جنّة الله عَ الأرض 

دعيت ربي يصونك ويخلّيكي 

شمعة دربي طيلة سنيني

 وبس بلّشت إفرح فيكي 

وأرسم قلوب بهل الحروف 

رحتِ وتركتيني تَ ضاعت أبجديتي

 وصرت إتواصل مع الحروف الحزينة 

لِ زعلت معي عَ فراقك يا أمّي

بس حروف المحبّة كانت أقوى منها 

كسّرت الزعل بالصلاة والدعاء تَ الله يرحمك 

ويجعل مثواك الجنّة.