حكاية وموال للشاعر/فهمى محمودحجازى
العم غزال مش عاجبه الحال
سبحان من صور القرد غزال
دي الست منال شغاله شمال
وأبنها مرزوق بياكلها حلال
بيقولها توبي واصلحي م الحال
واهي عايشه حياتها ولاجه ع البال
خوفها من الأب أو عم وخال
وابنها متضايق والبال مش رايق
والهم عليه ولا حمل جبال
وجارتها نوال أخت أبو جمال
عايشه على كيفها
مش عايزه عيال
مع إن راجلها ميسور الحال
بس عشان خايفة قال ايه
سلامتها في رياحة البال
لاتربي ف واد ولاعايزة البت
تتجوز وتجيبب لها في عيال
ويقولوا دي تيته الحاجة نوال
خايفه إنها تكبر والله دي خيبتك
عبوها في شوال
ماتفرحي جوزك وتجيبي عيال
لا يلوف على غيرك ويزول الحال
بعدها راح تبكي وتقولي موال
أه يا انا ياخبتي شِمتوا العزال
والله ده حال بده الموال
نعزفه بربابة ريس متقال
والست سنيه بنتها شلبيه
عماله تخلف على طول في عيال
بتقول على شان سي محمد
لايلوف على غيرها ولا يمشي شمال
أهي خربت بيتها والخيبة مسكتها
ومحمد جوزهها راح حب منال
ماهي أصل منال عايشه قصاد بيتها
واهي بنت خالتها ومشيها بطال
عرفت حكايتها وإهمالها لبيتها
مش فايقه لجوزها
وعلى طول في جدال
عايشين في هموم من كتر عيالها
الحال بطال
مش عارفه تكفي حقوق بيتها
ولا حتى تربي كمان في عيال
والله حكاية وقصتها تتغنى
وتتقال موال
والست أمال عايشة ف إهمال
سابت مطبخها وفرشتها
وجريت في الحال
ع النت تكلم سلفتها لكلوك شغال
دي فلانه ساكنه قصاد بيتها
وبتجيب في عيال
ومحمد جوزها عرف غيرها
وراح حب منال
وشويه تحول سكتها
على ست نوال
اللي فرحانه برشقتها
ومش عايزه عيال
وأمال مش حاسه إن الكارثه
فوق راسها عماله تنهال
نسيت بقى بيتها وقصتها
بلا جوز وعيال
قاعدت ع النت وسلفتها
على نفس الحال
وشويه افتكرت وكستها وانها
بتأكل في عيال
والزوج راح ناده متضايق
الغدا يا أمال
وأمال غضبانة ف بيت أبوها
من تحت جراير الإهمال
وبكده بقى ننهي الحدوته اللي
هتتغنى ف موال
