“بيوت الغلابة” كلمات /عاصم بكر
قد ما تعيش في الدنيا ما تلاقي شهامة
غير الأصل الطيب اللي في بيوت الغلابة
كلامهم صدق من غير وعود زيف كدابة
مش ناس بالف لون و لا يعرفو القساوة
علي الخير متربين و لا يعرفوا استحالة
يوم بيوم عايشين مايرضوا ذل ولامهانة
الطيب جواهم عايش وسط قطيع الديابة
اللي عايزنهم .الايد تتمد ليهم محتاجة
تشوف في عيونهم قلوب بالخير شبعانة
زهره نبتفتح بغصن جميل عطرها ريحانة
لوعدا في حياتهم يوم مر فيه لحظه كآبة
يقابلك بوش بشوش شايل اجمل ابتسامة
ضحكتلهم طالعه من القلب شمس صافية
تنور عتمة ليل حزين. وسط بحور المتاهة
أيديهم تبني و تخضر بالامل في كل حاجة
مهما الأبدان تعبت من الشقا والحزن شقيانة
طرح أرضك يابلدي قلوبهم بالخير عمرانة
لمتهم تخلي برد الشتا وسط القلوب دفيانة
نبع.المحبه والكرم والجود الاصل والسماحة
قلوبهم مسقيه خيرو عزه بمعني كلمة أصالة
بلاش تدور في ارض بور. عن معني للطيابة
ماتلاقي الكلام مكانه غير في بيوت الغلابة