انا كان نفسي بقلم/جمال القاضي
انا كان نفسي ف يوم
أبقى معاهم
وفي ايدي
وعلى كتفي سلاحي
وابقى هناك
أقاتل أو أُقتل
من غير ولالحظة خوف
وفي الجنة
ومعاهم تبقى
لاسمي وللكلمه حروف
مكتوبه شهيد
انا كان نفسي
كمان ف وسام
مكتوبه حروفه بدمي
وكلماته
منقوشه وتشوفها باسمي
وعلى جدران الدار
مكتوبه سطور
اتمناه عند الله
يبقى شهيد
ومن حب الله يبقى
بين الناس محبوب
انا كان نفسي
من تاني اعيش
واقول ياأقصى
هفضل عنك ادافع
ولو كنت أموت
يبقى فداك
وابقى شهيد
انا كان نفسي
أبقى هناك وأشاهد
بشوارعك أحلى مشاهد
وبقلبي
احساس وشعور بأمان
واعيش
من غير ولالحظة خوف
وفوق أرضك
مصفوفه اشجارك
وعلى جوانب الشارع
الزيتون وغصونه
مليان بثماره
والأخضر
يملا بظله
عرض وطول للشارع
والضحكه الحلوه
لطفولة بريئة
وع الوجه أشوفها
هناك مرسومه
وبأحلى ملامح
