امسك ف إيدك “بقلم/ أمل أمين الخولي
امسك ف ايدي
نبقى صٌحبه
قادره تبني
مش تهد
جسمين وروحنا
هي واحده
بتحلم بنور لشمس غد
خلينا قوه
تضرب على ايدين العدو
بألف يد
يلاقونا عٌصبه
بحبل ربي اتمسكت
فكان لها خير السند
خليك معايا
حتى لو فرقنا رأي
أو حرمنا لقانا بٌعد
إياك ومن غدر العوازل
لا يحرمونا ندوق ف جنة ربنا
سكر وشهد
ده اللمه بين الأهل والأصحاب
عباده ومرحمه
ويحفظ مابينهم حبل ود
ده احنا الأصاله من البدايه
ومعروفين بين الخلايق
إننا كلمتنا واحده
وجد جد
ليه النهارده بنختلف؟
ده ربنا كان لينا ساتر
نقوم بكل عيوبنا
نصبح نعترف؟
ليه نفوسنا ملاها حقد؟
شايف قلوبنا ظلمت
وبالغشم والله اتعتمت
خلاص لا عادت تأتلف
ولا تبقى على عهد ووعد
فوقوا بقا ده الكل باع
وافتكروا إن الفرقه إيه
غير الضياع
ايدك ف ايدي
نقف اسود بين الديابه
والسباع
خلي تكالنا على الله يلا
شد الرحال شد الرحال
وافتكروا دايمًا يا عرب
إن العرب أصل الرجال