جريدة النجم الوطني
alnigm.com/gif2.gif

وصلوني لوزيرة الثقافة”بقلم ا.د. حاتم شافعي

0 45

وصلوني لوزيرة الثقافة”
بقلم ا.د. حاتم شافعي

بقالي يومين موبايلي كل خمس دقايق يخبط الرنه المتينه ان فيه بوست جديد اتشير علي صفحه الفيس بوك العامه .. افتح البوست الاقي فنان اقوى من الفنان اللي قابله عارض لوحاته و رسوماته الجداريه علي هيئة مترو الانفاق علشان يعمل جداريه جديده بدل الجداريه الاستيكر اللي اتشالت .

الحقيقة الفنانين عندهم حق في عرض بضاعتهم الإبداعية لكن للأسف طريقة العرض قللت من برستيجهم خالص .. و خصوصا ان فيه منهم فنانين مهمين جدا جدا جدا … و اكيد نيتهم صافيه و قصدهم الخير …

مطولش عليكم …
جاتني فكره كويسة خالص
دلوقتي بعد ما عملت نوع من البحث البسيط و الإحصاء لعدد محطات مترو الانفاق بالعاصمه المصريه طلعوا في حدود 120 محطه …. ايوه و الله 120 محطه … فممكن جدا يتم الاتفاق مع هيئة مترو الانفاق و جهاز الخدمه العامة بالقوات المسلحه علي الاتي :

1- يتم عمل اعلان بشروط واضحه للافكار التي يتم دعمها فنيا من قبل الهيئتين السابقتين لإنجاز جداريات لدوره عرض تأسيس لمده ثلاث سنوات طبقا لشروط خاصه بلجنه التحكيم و بالابعاد و الخامات المنفذه علي الفنانين دون استثناء للدخول في المسابقه

2- يتم اختيار 720 عمل من 720فنان بمعني ان كل فنان له عمل واحد فقط .

3- يتم التعاقد مع الفنان علي عرض و تركيب لوحته لمده عام واحد فقط و يتم عرض240 عمل كل عام و يتم استبدال الاعمال كل عام حتى نهايه دوره التاسيس
بواقع جداريتين في كل محطه

4- يفصل بين كل عرض سنوي و اخر عرض لوحات و جداريات مستنسخه من وزارة الاثار المصريه لمده ثلاث شهور في ال120 محطه و ذلك لنشر الوعي الحضاري و ربط الهويه المصريه بالمجتمع و العمل علي اعتياد رواد المحطات من المسافرين للهوية البصريه المصريه القديمه

5- يمكن السماح للهيئات و الشركات الخاصه بالمساهمة في التعاقدات الماليه مع الفنانين لإنتاج تلك الجداريات

6- يمتنع كل اعضاء هيئات التحكيم التي تتولي اختيار الاعمال من المشاركه او عرض أعمال او نماذج تخصهم في تلك المسابقه منعا للشبهات

7- كل الاعمال تؤل ملكيتها لهيئة مترو الانفاق و جهاز الخدمه العامه للقوات المسلحه .
8 – يكون كل ما ذكر سابقا خاضعا مباشرتا لاشراف هيئة الرقابه الاداريه و تحت سلطتها المباشره

اظن بكدا يبقى فيه 720 فنان اتراضى و عمل اللي عليه و عرض جداريته لمده عام ميلادي كامل و خد فلوس قيمة الخامات و التعاقد …. و ممكن جدا يتم عرض الجداريات في معارض خارجية يتم توظيفها للتعريف بالفن المصري الحديث و تدعيم للدبلوماسيه المصرية الناعمه

ملحوظه اولي
يتم إنتاج مشاريع اوائل كليات الفنون المتخرجين من أقسام نحت جداري و عرضها سنويا علي جدران محطات المترو
و ذلك خارج نطاق تقيم لجنه الفرز و التحكيم الاساسيه و ذلك دعما للمناهج الاكاديميه الشابه

ملاحظه ثانيه
… محدش يفكر يعمل اي جداريه في محطه مترو أنفاق شبين القناطر لان دي البلد بتاعتي و اللي هايجي ناحيتها اهل شبين هايبهدلوه
انا قولت انبهكم علشان منزعلش مع بعض …

اترك رد

لن يتم نشر عنوان بريدك الإلكتروني.