جريدة النجم الوطني
alnigm.com/gif2.gif

ودنيا بقلمى محمد عنانى

0 42

ودنيا بقلمى محمد عنانى

ودنيا ماسكه الغلابه وقاعده تحلبها

بضريبه ولا رسوم وكتير مصايبها

بخلاف جحيم أسعار فى ناره دوبها

وإيديها جوا الجيوب علشان تقلبها

ولا فيها شىء فاضيه وزمانها غلبها

شاربه كاسات المر منه صبح توبها

ما حيلتها غير الستر باعت كراكيبها

غرقانه جوا الهموم تاهت مراكبها

تعمل إيه حظها فى الدنيا ونصيبها

ودنيا ماسكه الغلابه وقاعده تحلبها

ما حداكى ناس أغنيا والعز تاعبها

أموالها فيض أنهار زايده مناسيبها

تاخدى قليل منها بشىء ما يغضبها

وتجودى بيه ع الفقير اللى بيحسبها

لاجل يعيش أيامه فى الدنيا ويسيبها

وياخد له يوم راحه منها وتعذيبها

وكفايه ليه ما جرا منها ومحاسيبها

اللى اتمتعوا بخيرها وفازوا بحليبها

والعدل فى الآخره وميزان يناسبها

وبحُكمُه رب الكون للخلق يحاسبها

اترك رد

لن يتم نشر عنوان بريدك الإلكتروني.