وحشتيني…بقلم / رشا رزق الله
وحشتيني
وحشتني كل اخبارك
حكاياتك و اسرارك
قاعدة في التراس حلوة
وايام عدت كأنها سنين
وحشتيني
وياما الايام تفكرنا
باحلى وقت في حياتنا
وبنمثل اننا ناسيين
ونفضل نضحك ونتحاكى
قال يعني كده عايشين
ولما الدمع بيقرب
نفتكر كلمة قولتيها
نلاقي الضحكة هي الأقرب
نداري بايدنا دموع العين
وحشتيني
دي الدنيا غريبة اوي بعدك
ده حتى وصفات اكلك
افتقدناها
طشة ، ودقة، وطعم تعبك
وكرم ضيافتك
وحاجات كتير اختفت بعدك
وبقى ليها في الحياة اسمين
وحشتيني
وحشتني ايام سهرناها
مواضيع ما بينا ، وحاجات ياما قولناها
قصص ، احلام
نكت ، افلام
حكايات كتير عيشناها
طبطبتي بيها علينا تمام
خلت الصعب زمان يهون ،عدت بينا كتير ايام..
وحشتيني، ووحشتي كل اللي عرفك
وحتى اللي مايعرفكيش
سمع عنك من سيرتك
من حكاوينا و حكايتك
ومن صورة جمّعت اجيال
وحشتيني ووحشني صوتك ودفا حضنك
وحشني طيفك و ريحة عطرك
وحب كبير عمره ما راح ولا ابدا غاب