جريدة النجم الوطني
alnigm.com/gif2.gif

همسات (العاشرة)

0 75

كتب عبد السلام عبد النبي

قاعد علي
شطك يا بحر
باشكي للموجه
اللي رايحه
واحكي للموجه
اللي جايه
هو ده
طبعه يا بحر
بعد ما يقوللي
غناوي
أو حكاوي
السمسميه
ينقلب تاني
ويزعل
ينسي ايامي
النديه
يفتكر بس
الاهات
ينسي ايامي
الجميله
في الربيع
الورد مات
والسهاد
في كل ليله
ما انت عارف
انه دايما
قلبه قاسي
وانت شايف
انه طبعا
ناسي كاسي
بعد ما
شرب الحنان
افتكر بس
الاسيه
رغم اني
بطول زمان
حلمي مالي
عليا دنيا
اشهد يا بحر

اترك رد

لن يتم نشر عنوان بريدك الإلكتروني.