بقلم الدكتوره .. حنان اسماعيل
كلام عن الحب …
يمكن المشكلة في الحب … وقد ما هو احتياجك لشعورك انك مهم عند حد.. فاحتياجك مش لعلاقة عاطفية قد ما هو احتياج ان حد شايل همك .. وانت شايل همه ..ولو قررت تغيب هو اول شخص يجي في بالك فترجع في قرارك علشانه هو … ولو الظروف اجبرتك تغيب تلاقي هو اول واحد بيسأل عنك،حد بيمثلك الركن الخاص جدآ في حياتك اللي بتتصرف معاه بتلقائية وعفوية مش بتحتاج تفكر او تحسب كل حرف بتقوله ..وهو بيتعامل معاك بنفس المنطق ده.
حد بيشاركك كل تفاصيل يومك … وحد موجود في اولويات يومك وانت في اولويات يومه .. وبتدوروا علي فرصة علشان تتقابلوا .. مش بتحتاج العالم كله في وجوده ولو العالم كله معاك في غيابه بتحس انك غريب،،ومش خايف يوجعك او يؤذيك او يزهق منك .. شخص ممكن تكلمه الساعة 4 الفجر من غير ما تقوله حرف وتلاقيه معاك علي الخط …او تحكيله موضوع للمرة الالف وبردو يركز معاك .. حد يعرف يطلع الطاقة اللي اندفنت جواك وتساعدوا بعض .. انت محتاج تكون محور الكون لشخص .. وهو كمان مخليك محور الكون بالنسبة له .. ومش شرط حب وعلاقة قد ما انت محتاج تحس انك مهم … والأهم إن في حد في حياتك مهم جدآ عندك.. دكتوره حنان اسماعيل