هاتلي فانوس سحر ابوالعلا

هاتلي فانوس

سحر ابوالعلا

هاتلي فانوس سحر ابوالعلا

هاتلي فانوس
رمضان جاي
وروايحه اهي هلت
وانا عاوزة فانوس
هاتلي فانوس
م الصاج ابو شمعة
تفضل شمعته طول
الليل قايدة
وبنات وولاد
نلف على بيوت شارعنا
عاوزين العادة
ونرجع بجيوبنا مليانة
بنبوني وتمر وشيكولاتة
ونسهر سوا مستنيين
مسحراتي حتتنا
يجي ونتجمع حواليه
وينادي علينا بأسامينا
اصحى يا محمود
اصحي يا زينة
نرجع دوغري
ع السحور
نتسحر بزبادي وفول
وسوا نصلي الفجر جماعة
وندعي ربنا ما يقطع
لنا عادة.