جريدة النجم الوطني

- Advertisement -

- Advertisement -

من سلسلة حواريات : حوارية صديق لصديق تحراك الكلام حروف الوصايا مطروزة بحروف لمعان ح : 6

0 6

احصل على تحديثات في الوقت الفعلي مباشرة على جهازك ، اشترك الآن.

- Advertisement -

من سلسلة حواريات :
حوارية صديق لصديق..تحراك الكلام..حروف الوصايا…مطروزة بحروف لمعان..
ح : 6

- Advertisement -



حكمة…
خلاوها ناس زماني…
تابثة فلمعاني…
هكذا بقات…
على كل لسان مروية…
مقدرشي على الحمار..
جاي يتشطر على البردعة..
ياااا ويل من كان جيعان..
وتنفخ من الشبعة..
وخا تقلب على راسو القدحة..
ولف الشطحة والردحة..
/محمد المعداني

يا سلام…
هاذي من قاع الخابية..
الجيعان بلا نفس..
غير غادي يسرط..
ولافيوم..
اشبع ولا لمولاه احمد..
عايش مدسوس..
مرسب هاذي سنين..
خليه الطعم المغشوش يحصلو..
يمكن يرجع يعرف أصلو..
سير ياااخيي لاتخاف..
/ ع. السلام بنفارس

ما عليا..
غير نساعفك..
آخيي..
وخا ناسها..
بريحها خفاف..
عليك الضمان..
آسيدي..
نمشي بلا مانخاف..
هاااا اللي منها بان..
هاااا اللي باقي ما تشاف..
مدسوس وسط قلوب..
كحلة زفت..
ووجوه مبسمة..
زواق..
مليانة كذوب..
اليوم..
طلع الصافي منها..
تفرز بألوان وأطياف..
إيه ياخيي..
هذا حال گدرتنا…
ما بقى فيها…
مايخالف
غير التخت…
كي ساكن المدينة…
كي اللي مازال لابذ بالارياف.
/م. المعداني

علاش…
تخاف امولاي…؟
وانت اللي عليك كديرو
وتزيد عليه شحال بزاف…
تخلطت لعرارم…
وتبلد اللي تبلد…
وحتى اللي باقي لابد..
مازال ماتشاف..
تمسخت السلعة..
نتانت فاحت ريحتها..
اطلع الزعاف..
دير اللي بان ليك صح..
وسط الشر المشتت..
والخير المتلاف..
سير لا تخاف..
سلك طريقك…
وسط التلفة والزحام..
ازرع اخلاق ومحبة..
افهم وقبل الغير…
راه لعقول ماتگاد…
واخا يتگادو لكتاف..
سير لا تخاف..
/ع. س. بنفارس
*
م. المعداني. ع.س بنفارس

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.