جريدة النجم الوطني

- Advertisement -

- Advertisement -

من سلسلة حواريات “حوارية صديق لصديق”تحراك الكلام حروف الوصايا.. مطروزة بحروف لمعان..ح : 7 

0 23

احصل على تحديثات في الوقت الفعلي مباشرة على جهازك ، اشترك الآن.

- Advertisement -

عبد السلام بنفارس

- Advertisement -

من سلسلة حواريات…حوارية صديق لصديق..تحراك الكلام..حروف الوصايا.. مطروزة بحروف لمعان..ح : 7

م. المعداني .ع. س.بنفارس.

لاش؟!!..
عليك لاش؟!!..
هكذا تغامر..
ادَّخل..
يديك فالمغاور..
حتى تلسعك..
لفاعي وحناش..
وأنتَ إيه أنتَ!!..
مدخل راسك..
فالعشاش..
راه ينقبوك الدجاج..
خليك راضي قانع..
وخا تكون محتاج..
ارضى بما قسم الله..
ياك من زمان..
خلاوها..
ناسي ناس الحكمة..
وصية..
فكلام رباعي..
مرصع بروح الكلمة..
محكية..
عيش وحدك..
تنجا من خلطة لمصايب..
وأنتَ إيه أنتَ!!..
ياااا طويل اللسان..
يااااالنمام..
دير ليه اللجام..
إلا بغيتي..
تعيش فسلم وسلام..
لاش عليك بسموم النياب؟!..
لاش الكذوب؟!..
لاش الظن الخايب؟!..
دابا تعيش وتجرب..
تعرف شكون؟!!..
فيهم الذيب؟!!..
وشكون العقرب؟!!..
دير فالبال..
ليام غادة جرايا..
سوى ذاك ولا ذاك..
راه لآخر مرايا..
نطلبوا العفو..
آسيدي ربي..مولايا..
/محمد المعداني

إيوا فهم…
الفاهم
راك فايق..
ولانايم؟!!..
لكلام راه واضح
فيه برد الليالي…
وفيه حر السمايم
ارجع لنفسك اللايمة…
فيق الروح النايمة…
ودير لك لجام.
ادّيها ف صوالحك…
مخليها بلكوام..
من يقضيها لك؟!!..
وانت مشغول..
على الدوام..
بالناس واسرارهم..
تقياد وتزمام..
ارجع لله…
يا تابع الاوهام.

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.