جريدة النجم الوطني
alnigm.com/gif2.gif

من أشعار صلاح جاهين

0 347

من أشعار صلاح جاهين

إعداد / محمد الزيدي

اجيب لك ايه و انا جاي
هات لى مخدة
احط عليها راسى انام
هات لى قلب يزعل
بس يصفى قوام
هات لى ساعة راحة بال
وحبة فرح ولو بريال
وهات اقفال
اقفل بيها باب الحزن
و هات م الحب مليون حضن
و هات لى معاك شوية صبر
و هات لى للخواطر جبر
هات لى أمان
وضحكة طالعة باطمئنان
اقول لك علشان ما تتلخبطش
هات لي العمر من الأول
وهات حبايبنا من تاني
وهات الجيرة والصحبة
وهات قلب مايسودش
وعيون جميلة ماتحسدش
وعيش وملح ما يتخانش.

اترك رد

لن يتم نشر عنوان بريدك الإلكتروني.