جريدة النجم الوطني
alnigm.com/gif2.gif

ملعون أبوه بقلم/محمد عنانى

0 28

ملعون أبوه بقلم/محمد عنانى

ملعون أبوه

ملعون أبوه الفقر وسنينه

واللى كانوا السبب أواللى عاوزينه

ما غيره طعم المرار وبس شاربينه

ولا شوفنا غيرالألم صبحنا عايشينه

ودوبنا فى قسوته وصبحنا كارهينه

ياما قالوا شدوا الحزام والله شدينه

ومشينا جنب الحيط لأ دااحنا سندينه

من خوف علينا يقع إيه اللى حيعينه

ملعون أبوه الفقر وسنينه

واللى أخَدنا ف سِكتُه واللى عارفينه

دا خَلاَص ملازم لنا تِقولش عاشقينه

ما لقينا ليه من دوا ولا حتى شايفينه

والعمر ضاع مننا ما عودنا حاسبينه

آه لو فى يوم نرتاح م الفقر وأنينه

نحس طعم الفرح اللى إحنا ناسينه

ونشوفه نور الأمل اللى ضاع فينه

ملعون أبوه الفقر وسنينه

اترك رد

لن يتم نشر عنوان بريدك الإلكتروني.