جريدة النجم الوطني
alnigm.com/gif2.gif

“معاني الكلام”…بقلم / أحمد الشربيني

0 105

“معاني الكلام”…بقلم / أحمد الشربيني


قبل الزمان من زمان .. ما يروق و يجمَعنا
كان الكلام في الغرام .. ألفاظ بِلا مَعني
بعدِك لقيت الكلام معناه بيتجَدِد
خَلّيَ الطيور في السما تِسكُت .. و تِسمَعنا

صبَح الكلام مش كلام .. لأ شِعر يتغَنَّي
و تمِد إيدها العرايس لَجل تتحنَّي
و الحب بعد أمّا كان .. ما لهوش مكان ..عندي
صبح لقلبي أنا .. جَنَّه .. ولا الجَنَّه

صبَحِت كمان الحروف بتشوف .. و ليها عيون
و الحَرف بيحِب جَنبُه يبقي حَرف حنون
و الحا بتِندَه تَمَلّي البِه .. و تشتاقله
و يكَّونولنا سَويَ .. كلمة هوي .. و شجون

كلمه و فيها الحياه و الفَرْح و الأشواق
و فيها حيره و غيره .. مش قسيَ و فراق
فيها أمل .. بالأمل.. يفرش طريق بكره
فيها بلابل .. تقابل .. عالغصون عشاق

معاكي بألقي الهَنا .. فارِد لِنا .. جناحين
طايرين في دنيا الهوي.. و إحنا سَوي الاتنين
بنقول كلام .. في الغرام .. أنغام بتسعِدنا
و كأنه نور في السما .. و إحنا سوي قمرين

اترك رد

لن يتم نشر عنوان بريدك الإلكتروني.