جريدة النجم الوطني
alnigm.com/gif2.gif

مصري وأفتخر..

0 151

بقلم / احمد بدوي

الحقيقة أنا معنديش حاجات كتير افتخر بيها أو تقدر تقول معنديش حاجه افتخر بيها غير إني مصري…… بحب البلد دي و راضي بيها و شايفها جنة الله في الأرض و عمري ما اتمنيت إني أنتمي لوطن تاني مهما كان غني أو فيه رفاهية
متحيز له و معنديش استعداد أخسره ولا حد يخدش صورته
ماليش فيه حاجه بإسمي تقريبا لا أرض ولا بيت ولا فلوس غير عملي إللي بالكاد عايش من دخله و راضي…… بس شايف كل حاجه فيه ملكي و كل حاجه حلوه فيه حاجتي
عمري ما فرق معايا دين أي حد….. ربنا ما أرسلش رسله و رسالاته للتفريق بين الناس ولا الهدف ان البشرية تكون شيع و جماعات متناحرة الهدف كان دايما جذب البشر لطريق واحد هوه طريق الصلاح…….
وثيقة المدينة بين رسول الإسلام و أهل المدينة لم تنظر لأهل المدينة كمسلمين و غير مسلمين من يهود و مشركين
كانت الوثيقة للدفاع عن الوطن بواسطة شركاؤه المنتمين له….
الدفاع عن الوطن لا علاقة له بدين و تهديد الأمن القومي لا ينظر للفرد إلا كوحدة بناء للمجتمع
تهديد السلم و محاولة شق الصف هدف طبيعي للراغبين في عمل هزة داخل النسيج…
لما قتلوا المصريين المسيحيين قبل كده كان الهدف كده
و لما قتلوا المصريين المسلمين في بير العبد كان ده الهدف برضو….
اللي مات أيا كان دينه (اللي زي ما قلت ولا يفرق معايا)
مامتش ناقص عمر و العار يلحق قاتله و مصر باقيه رغم أنف الجميع
حضرتك زعلان و أنا كمان و الله هاموت من الغيظ لكن البلد دي أقدم من إننا نخاف عليها و أعظم من إننا نتهز علشان حدث حصل فيها…….
انت ماتعرفش مصر دي مر عليها إيه قبل كده؟
انت تعرف أن آخر ٥٠٠ سنه في عمر مصر بالظبط زي ٣ساعات في عمر بني آدم يعني ولا حاجه
انا مش كاتب البوست ده أعزي حد ولا آخد بخاطر حد
انا كاتبه في الأساس أفكر نفسي إن البلد دي مش قاصر علشان نخاف عليها….. ياما دقت ع الراس طبول
و قرصة البرغوت تضايق الفيل ممكن لكن تقتله! تبقى نكته
إخشوشنوا فالأمن المطلق مستحيل مطلق و العدو جبان غادر هدفه ضرب ثقتك و حبك لوطنك
افتخر ببلدك و إرفع رأسك فلا وطن مثل وطنك وليس لأحد مصر مثل مصرنا..

اترك رد

لن يتم نشر عنوان بريدك الإلكتروني.