جريدة النجم الوطني
alnigm.com/gif2.gif

مرسومة جوه القلب…بقلم الأستاذ /أحمد يحيى دعبس

0 135

مرسومة جوه القلب…بقلم الأستاذ /أحمد يحيى دعبس

مرسومة جوه القلب
أرض وسما وعنوان
أسمك ملامح نغم
يتغنى بالألحان
وحضنك بيشفي الألم
ويهون الأحزان
وعلمك دا أجمل علم
مرفوع في كل مكان

وعرفوكي كل البشر
أتقل ما في الكفه
وصفوكي ضي القمر
وعروسه في الزفه
يا مصر رملك دهب
حباته م العفه
يا مصر نيلك عجب
يروي قلوب جافه

عاشقك ومن طلتك
أحضاني تدفى
حالف لصون بسمتك
وأنا لسه في اللفه
واللي يخون عشرتك
علي إيدي يتوفى
أنا ليكي لمحبتك
لو دمي يتصفى

اترك رد

لن يتم نشر عنوان بريدك الإلكتروني.