ماشي تمام
بقلم/ هبة الله يوسف محمود سند
يوم م أخدت قرار البعد
قالي تمام
ماشي تمام
كان جوايا أمل لو إنه يكون ندمان
أو إني ظلمته .. وإني كسرته
وإنه هيصرخ تاني وييجي يقولي حرام..
وإن البعد ما بيني وبينه حروف و كلام
مهما زعلنا ومهما بعدنا شهور وأيام..
بإن ما فيه غير حبه وقلبه وطن و أمان ..
كان جوايا أمل لـو إنه يكون ندمان..
بس تمام
ماشي تمام
كلمه رماها رد عليا زي جبان
شاف قدامه طريق لهروبه
قام هربان..
وأنا بسذاجه كان جوايا أمل لـو إنه يكون ندمان.
وعشت بقلبي نهاية القصة وحيد خسران.
ويومها فهمت بإن الحب أداة ووسيلة تموت بيها أجدع إنسان..
طب كان ليه
قربك ليه
قسوة قلبك ظهرت ليه
رد بقسوه بإن وجودي حمل عليه.
حبي وقلبي حمل عليه.
وإن وعوده وكل كلامه وحبه وقربه مش بإيديه ..
وإن الحب مسيره يضيع..
وإن ظروفه قاسيه عليه..
خايف يضعف..
خايف يفشل ..
شاف الشيله تقيله عليه..
قال يرميها ..
ضعفه وخوفه وقلة حيلته
خلاه يبعد..
خلاه يقسى..
وإن غباوته في كل ردوده مش بإيديه..
وإن الشيله تقيله عليه..
طب لـو قلبي وحبي وخوفي حمل عليه .
قرب ليه ..
عَلق قلبي بإسم الحب ..
وسابه وحيد يتألم ليه ..
عذر سخيف للغدر بقلب كل ذنوبه ميله إليه ..
حبه وضعفه وخوفه عليه ..
ذنب إتحاسب هو عليه ..
شافوا بينزف وقت كلامه ..
وسابه وكمل فرجه عليه ..
كل ده ليه ..
قرب ليه ..
كنت رضيت بحياتي وحيدة..
حبي في قلبي قافله عليه ..
ورافض عقلي يآمن بيه ..
و أما القلب إتعود ينسى كل شعور إتمسك بيه ..
جيت ونبشت ف جرح ردمته فضلت سنيني أحارب فيه.
حس بحبك ..
حس بقلبك …
سابني وراح إتمسك بيه ..
كإن حياته إتردت ليه ..
رافض يفهم
رافض يسمع
كل كلامي وخوفي عليه .
ماشي وراك ومغمي عينيه ..
ناسي وعوده بإن ما حد بإسم الحب هايلعب بيه.
وإنه ها يدفن كل مشاعر تضعف فيه.
قولي ياقلبي بتعند ليه.
والا عنادك فادنا بإيه.
راجع جارر خيبه وذل بقهر بتبكي عليه.
طب كان ليه..
واعمل ايه..
طول ما قرار البعد بايديه.
اعمل ايه
و الا عنادك يوم ما قابلته وروحت عليه.
فادنا بايه.
راجع ليه
فاكر يوم ماخدنا عهودنا
نعيش ونموت ما نآمن بيه ..
وانك مهما مشيت او شوفت
صعب الحب يأثر فيك ..
وإنك تقسى
وإنك تنسى
وإنك تدفن كل مشاعر تضعف فيك..
أو يديهم سلطه عليك
وإن ما حد بإسم الحب هايلعب بيك.
خنت وعودك ليا زمان
وراجع تبكي بحرقه عليه..
قولي يا قَلبي مهما بكينا كتر بكانا فادنا بايه .
وانت بطيبه وبكل سذاجه فتحت بحب ابوابك ليه
جاي دلوقتي تبكي عليه
غلطك انت او تقصيرك ليه دلوقتي لومتوا عليه
قولي فتحت ابوابك ليه
طول ما قرار البعد بإيده
فاكر يعني هنجري عليه..
والا بانك مهما بكيت او نوحت هايرجع ليك
دانا لـ روحي وعمري في ايديه
اموت نفسي ولا ارجع ليه
قولي يا قلبي هنعمل ايه
راجع تاني تقول ندمان
بعد ما هان الود عليه
راجع تاني وحيد خسران
شوفت الطيبه بتعمل ايه
ضعفك ادى قلوبهم فرصه باسم الحب تجرح فيك..
ادى قلوبهم رخصه بموتك
بس قرارهم كان باديك
قبل ماتيجي تلوم علـى غيرك
قولي فتحت ابوابك ليه
لما اخدنا عهودنا زمان
ان ما حد بإسم الحب هايلعب بيك
جاي دلوقت بتحزن ليه