جريدة النجم الوطني

- Advertisement -

- Advertisement -

“ليه تزعلي يا ام الشهيد” بقلم / حسان أبو جازية

0 8

احصل على تحديثات في الوقت الفعلي مباشرة على جهازك ، اشترك الآن.

- Advertisement -

“ليه تزعلي يا ام الشهيد” بقلم / حسان أبو جازية

ليه تزعلي وليه بتبكي يا ام البطل يام الشهيد حد يبكي علي حتة منه أصبحت شيء نادر فريد ، حد يزعل ويبكي علي حتة منه للوطن

ليه تزعلي وتبكي يا ام الشهيد وهو هاياخد بايدك لأنك انت اللي جبت بطل أصبح شهيد وكان ديما يفكر لبلده العزة والكرامة

ليه بتبكي وابنك هو الي رفع علم بلدنا فوق كل أراضيها

ليه تزعلي قولي لابنك الشهيد لحمك ودمك حرارته سيحت الجليد ،لحمك ودمك حرارته دوبتنا وشبكتنا كتف في كتف وخلتنا حديد

ليه تزعلي وتبكي ليه يا ام الشهيد ابنك مكانه هنا في قلوبنا مش بعيد ، نايم وبيدعي ربنا أن القيامة تقوم وهو عايش في جنته سعيد

ليه تزعلي يا ام البطل يا ام الشهيد ، دا ابنك شايفك وشايف عيونك وشايف دمعتك ، ابنك حاسس بنبض قلبك ورعشتك ونفسه يجي يعرفك أنه ساكن جوه جنته

- Advertisement -

وبيقولك بلاش فراق جسمه ورسمه يحسسك أن مافيش امان

تزعلي وتبكي ليه ياام الشهيد وابنك بصوته هز وزلزل كل خاين ومجرم أجير .

ليه تزعلي وتبكي ليه انتي بتبكي علي قلبك دا قلب حامي .. قلب وافي ولا بتبكي علي روحك دي روح سلمت ..روح قدمت قلبها ودمها وجسمها لأرض الوطن.. روح دخل دمها كل شريان ووريد

ليه تزعلي وتبكي ليه بأن الشهيد هو انتي بتبكي علي عيونك دا عيونك بنورها نورت عيون شباب مارد وواعد شديد

ليه تزعلي وتبكي ليه يأم الشهيد ، بس من حقك تقولي باعلي صوت حق ابني وأرضي وعرضي فين ، لازم تقولي بأعلي صوت حق ابني وأرضي وعرضي فين من القتلة ومن الإرهاب ، لازم تنادي علي اخواتي في الجبهة وقولي ليهم فين الرصاص فين القصاص

ليه تزعلي وتبكي ليه يا أم الشهيد ابنك دا مش بس ابنك دا حقيقي دا ابني وابن كل مصري أصيل ،
يا أمي دا كل سحابة من السما بتقولك ابنك بطل ، وكل طير في الهوا وكل حبة تراب بتقولك ابنك عظيم ، وكل قطرة ندا علي ورق الشجر بتقولك بتقول ابنك بطل ياأم الشهيد

لا تبكي يا ام الشهيد دا أنتي غالية وجميلك علي راسنا لا يتقدر بتمن ولا ليه مثيل

وداع يا ولادنا ياحتة منا ويامهجة قلبنا ، فا أنتم عندنا الحب الوحيد.. ومش هانقول انتم كنتم حلم وراح.. دا الي راح عند ربنا عمره ماضاع ولا راح .. دا أنتم حبنا اللي ساكن جوه قلبنا وانتم أمل ، وأنتم شرارة حب في كل حبة تراب للوطن ويحافظ عليها أجيال من بعدكم أتعلمت علي ايدكم يعني أيه حب الوطن
يا الله ياحي يا قيوم ارحم جميع شهدائنا في بئر العبد .. يارب احمي بلدنا وريسنا وجيشنا

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.