جريدة النجم الوطني
alnigm.com/gif2.gif

كيك الكريب بالشوكولاتة 

0 23

كيك الكريب بالشوكولاتة 

تقديم:حنان الشيمي

كيك الكريب بالشوكولاتة

المقادير 


– كوب دقيق.
– معلقه كبيرة كاكاو.
– كوب ونص لبن حليب.
– بيضه.
– معلقه صغيره فانيليا سايله أو رشة فانيليا بودر.
– كريمه مخفوقه للحشو.


– في طبق كبير نخلط الدقيق والكاكاو والحليب والبيض والفانيليا بإستخدام المضرب الكهربائي.
– نحط نقطة زيت أو زبده في طاسه تيفال سخنه وننزل بمقدار كبشه من الخليط في الطاسه على نار هاديه لمدة دقيقه ونقلبه على الوش التاني.
– نكرر نفس الخطوات ونعمل حوالي 15 راق كريب
– نجيب اول راق كريب ونفرد عليه طبقة كريمه ونحط فوقه الراق التاني وهكذا لحد ما نخلص الكميه كلها.
– بعد ترتيب ورص طبقات الكريب والحشو بينهم هنضغط عليهم من فوق بطبق أو صينيه مستويه عشان الطبقات تتماسك مع بعضها أكتر.
– نساوي الأطراف ونتخلص من الزيادات ونزينها بصوص الشوكولاته.


طريقة عمل الصوص 


في طبق على النار هنحط كوبايتين مياه وندوب فيهم كوباية سكر وبعدين نضيف 3 معلقه كبيره كاكاو ونقلبهم بمضرب سلك يدوي على نار هاديه لمدة 7-8 دقايق وبعدين نرفعه من على النار وتسيبه يبرد وبعدين نبتدي نزين بيه.


ملحوظات 


– لازم سُمك طبقة الكريب يكون رفيع، عشان نعرف نرصه ونقطعه بسهوله.
– الكريمه المخفوقه لازم تكون تقيله مش خفيفه لانها بتساعد في لصق وربط طبقات الكريب مع بعضها.
– يفضل وضع تورتة الكريب في الثلاجه 3 ساعات قبل التقديم وبالهنا والشفا.

اترك رد

لن يتم نشر عنوان بريدك الإلكتروني.