جريدة النجم الوطني
alnigm.com/gif2.gif

كومبارسات العملات “بقلم . د محمد حمدي

0 45

كومبارسات العملات “
بقلم . د محمد حمدي

اغلب العملات الورقية المصرية :
موجود على وجه منها أثر اسلامي .
و على الوجه الآخر أثر مصري قديم .
تقف هذه الآثار كالابطال ، فمثلا :

الجامع الأزهر … على ٥٠ قرش .
جامع قايتباي … على الجنيه .
جامع احمد بن طولون … على ٥ جنيه .

لكن لو دققت النظر في هذه الآثار (الابطال) هتلاقي جنبها آثار تانية تقوم بدور (الكومبارس) الصامت ، (عملت لحضرتك دائرة حمراء عليه) ، فمثلا :

على عملة ٥٠ قرش ، و بين المئذنتين اللي بناهما : قايتباي و الغوري بالجامع الازهر ، هتلاقي مئذنة مجموعة محمد بك ابو الذهب كالطفل (الكومبارس) اللي بيحاول يشب بين والديه ، (مجموعة ابو الذهب المواجهة للجامع الازهر من ناحية باب المزينين) .

و على العُملة فئة واحد جنيه ، فالبطولة لجامع قايتباي ، و مفيش مانع طبعا انه يدي دور (الكومبارس) لقبة ابناؤه .

اما جامع احمد بن طولون و الذي يأخذ دور البطولة على العُملة فئة ٥ جنيه ، فبصراحة يدي جامع (صرغتمش) دور اكبر شوية ك (كومبارس مُتكلم) حتى و قد يبدو و كأنه جزء من تصميم الجامع .

( و زى ما كومبارس الممثلين كان ليهم تأثير رائع ف السينما المصرية ،،، برضو المنشآت المتوارية دي ليها تأثير بديع على العملات المصرية ) .

اترك رد

لن يتم نشر عنوان بريدك الإلكتروني.