جريدة النجم الوطني

- Advertisement -

- Advertisement -

كورونا يحرمنا من مولد ستنا السيدة زينب رضي الله عنها

0 11

احصل على تحديثات في الوقت الفعلي مباشرة على جهازك ، اشترك الآن.

- Advertisement -

كورونا يحرمنا من مولد ستنا السيدة زينب رضي الله عنها

بقلم/ البدري زايد

مولد الست حقيقي لغوه؟
والمجذوب طب فين يلاقوه؟
والدرويش ح يبات مع مين ؟
ستنا زينب أمه وابوه

وببركتها قلوب عايشين
وف قنديلها النور للعين
هيا مشيرة وهيا رئيسة
وف خيرها بتنشر دواوين

والمساكين وعواجز ياما
ندهوا عليها وشافوا كرامة
جوة مقامها الطاهر قاموا
صلوا وصاموا وسابوا علامة

- Advertisement -

تشهد ع الإخلاص والحب
والنفحات ف الحجر تصب
واللي يدوق الهوا ياخوانا
يعرف معني النور ف القلب

والحرمان لو ح احكي عليه
لو ح تدوقه ح تعرف ليه
كل الفقرا بيييجوا حداها
لما الوصل يحنوا إليه

عند الست ملايكة صفوف
والقلب المليان بالخوف
يلقي أمانه ويلقي وداده
وعرايس علطول بتطوف

واما من المولد حرمونا
قلنا ياناس ملعونة كورونا
اللي عشانها قفلتوا الباب
ومن الست كمان حشتونا

بس الست مددها أكيد
واصل وانا مديت الايد
طالب نظرة قالتلي تعالي
مش ح يحطوا مابينا حديد

مش ح ياثر فينا قرار
وانتوا ولادي وأهل الدار
واللي ف قلبه الخير ح يزور
من غير مايطخ المشوار.

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.