جريدة النجم الوطني
alnigm.com/gif2.gif

كل عيد حب و حضراتكم بكل حب

0 158

كل عيد حب و حضراتكم بكل حب


خالد عبد المعاطي


كل عيد و انت حبى
كل حب و انت عيدى..
..
ياللى ساكنه العمر فيا
و هواكى جارى فى وريدى..
..
مش بحبك صدقيني
الكلام ده كان زمان..
..
انهارده انت فى عينى
الحب نفسه. القلب نفسه
الفرحه و الأحزان كمان..
..
فرحتى انت هى
دمعتي انت هى..
..
ضحكه العمر اللى فات
و الليالى اللى جايه..
..
انت كل الذكريات
و انت صوتى و السكات..
..
مش بقولك لا كفايه
حبك انت مالوش نهايه..
..
كترى حبك فى قلبى
و أملى عمرى شوق و زيدى..
..
كل عيد و انت حبى
كل حب و انت عيدى..

اترك رد

لن يتم نشر عنوان بريدك الإلكتروني.