كتب/ عبد السلام عبد النبي
لو زرعت
الأرض خير
تطرح الأرض
الامل
لو يكون
الحب طير
يبقي عش
الحب فل
لو غناوي
الحب
عزف سمسميه
ريشه العازف
تكون
من رموش
قلبي وعنيه
(2)
بتقول لي كلام
وتعيد في حديت
بتحكي تقول
أجمل حواديت
بتقول لي باحبك
مش ممكن
ده كلام اوهام
وبترسم بسمه
انا عارفه
رسام احلام
مش ممكن يبقي
الحب كلام
أو حتي حديت
الحب سكون
وهيام وغرام
مش بالحواديت
ما تقول لي
يا روميو العصر
ايه فايده
كل كلامك
هيمان
وكلامك سحر
وخصامك
قبل وئامك
بتبيع حواديت
ما خلاص
زمن الحواديت
اهو راح
(3)
وباحس بيكي
وقلبي دايب
من زمان
نظره عنيكي
هي الامل
كل الحنان
بس اه
لو تلمسي
بايدك جروحي
بس اه
لوتمزجي
روحك في روحي
قومي طبطبي
علي ظهر قلبي
اللي انحني
قومي اوصلي
حبي وحبك
بالغني
وباحس بيكي