جريدة النجم الوطني
alnigm.com/gif2.gif

عيل سيس !!!!

0 180

بقلم / محمود بيومي

عيل سيس قاعد زهقان
قال ينزل يتمشى شوية
يشقط بنت فأي مكان
ماهو مسكين ناقص حنية

شافلك بنت فجهّز نفسه
وعمل فيها النمبر وان
قالها ليه كده وقفة ماتيجي
نشرب قهوة في أون زا ران

بدل الناس دي ما يعاكسوكي
يلا تعالي واهو نتعرف
دَنا طيوب وشياكة يا كوكي
مش جاي اعاكس ولا بستظرف

غضبت منه البنت وثارت
رفضت قالت امشي وروح
عيب دي معاكسة ومش مقبولة
لأ كده عيب وماهوش مسموح

وادي الفيديو وانا صورتك
وراح انشرها عالفيسبوك
قال منا عارف عادي يا حلوة
ماهو مش عيب وانا كنت بحُك

ظهر الفيديو وقامت الدنيا
والحال فجأة بقى مقلوب
نصفوا الصايع ظلموها هي
والغالب اصبح مغلوب

الواد بقى نجم ومشهور
وبرامج توك شو عاوزاه
والستات وقفاله طابور
علشان تاخد سيلفي معاه

ناس مشهورة راحلته كمان
جاتله عروض يعمل اعلان
بكرا نشوفه بطل في السيما
تصبح صورته فكل مكان

أما البنت يا عيني عليها
قالوا انها مقفولة غبية
فضحت قال الشاب الطيب
علشان تعمل فيها ضحية

بعدها نعرف ان البنت
واقفة وقاصدة عشان تتعاكس
ماسكة الكاميرا ولابسة قصير
يعني حوار متألف فاكِس

يبقى قانون الدنيا اتغير
عاوز شهرة وقيمة ومال
ولا تتعلم ولا تتشطر
إنسى ضميرك وامشي شمال

اترك رد

لن يتم نشر عنوان بريدك الإلكتروني.