جريدة النجم الوطني
alnigm.com/gif2.gif

“صياد” كلمات /عاصم بكر علي منصور

0 30

“صياد” كلمات /عاصم بكر علي منصور

رميت شباك الامل……..طلع الشبك فاضي
لايوم بكيت الالم……. ولا الفرح رأسمالي

نديت علي الصبر……..اتاري الوهم يحلالي
من بعد طول العمر…….ترجعلي منها اوهامي

صياد ورحت اصطاد……في البحر صادوني
لامدوا ايدالامل مدد…… ولاعلي البر سابوني

خليني يوم ع البر………يمكن تضحكلي ايامي
لماترميني بالغدر………. وتحدفني للبر امواجي

ألمح بعيني الضي…….. امل ينور ترحل احزاني
ليه ببحركم تسبوني………..وسط اموجك العالي

بلاش يابحر الامل……..لدموع بالبكي تحلالي
يمكن الاقي الوصل……لمااشوف ع البر احبابي

خلاص بقيت يابحر……سايب فيك كل احلامي
راجعلي تاني بجرح………. ونسيت بقي افراحي

يارب ألمح الصباح……….بيلمع ضيه امل ويلالي
زهره شقيه بتفتح………..بحسن غصنها الزاهي

يامركبي للبر عديني……..رجعلي ضحكه سنيني
سيب الفرح في عيني…. يمكن تصالحني ايامي

خايف انزل تاني بحركم…….وارمي الشبك تاني
يطلعلي الوهم يخدعكم……..واداري فيها أوجاعي

اترك رد

لن يتم نشر عنوان بريدك الإلكتروني.