جريدة النجم الوطني
alnigm.com/gif2.gif

صورة جديدة بقلم/ البدري زايد

0 123

صورة جديدة بقلم/ البدري زايد

هل ح تفيد الصورة بجد؟
ولا مجرد ذكري لحد؟
ولا حاشيلها وبكرة ادور
علي قلبي وملقاش غير سد؟

اصل وصورة لشخص أسير
عاوز يجري ياناس ويطير
يفتح باب السجن يهاجر
يرمي قيوده ف وش الغير

بعد الدنيا ماتبقي حطام
بعد ماتفني مع الأيام
هل وانا شايل صورتي معايا
ممكن اشوفك ف الأحلام؟

باتمني لك رحلة بعيدة
فيها معاني صورها جديدة
ووشوش تانية وعالم غير
وانك تلقي سعادة أكيدة.
تحياتي
شيخ السجالات
البدري زايد.

اترك رد

لن يتم نشر عنوان بريدك الإلكتروني.